რუსეთში, არხანგელსკში სამხედრო პოლიგონზე აფეთქებას 5 ადამიანი ემსხვერპლა, სამი კი მძიმე დამწვრობით დაშავდა. ინფორმაციას ადასტურებს რუსეთის სახელმწიფო ბირთვული კორპორაცია „როსატომი".
მანამდე რუსეთის თავდაცვის სამინისტრო იუწყებოდა, რომ აფეთქებას ორი ადამიანი ემსხვერპლა.
თავდაპირველად აცხადებნდნენ, რომ აფეთქება თხევადი რეაქტიული ძრავის ტესტირებისას მოხდა, თუმცა „როსატომის" მიერ გავრცელებული ინფორმაციით, აფეთქება თხევად რეაქტიულ ძრავაზე კვების იზოტოპურ წყაროებთან დაკავშირებით მოხდა.
სამხედრო უწყებისა და ადგილობრივი ხელისუფლების ინფორმაციით, რეგიონში რადიაცული ფონი ნორმას შეესაბამება. თუმცა მანამდე გავრცელდა ინფორმაცია რეგიონის ზოგიერთ ნაწილში რადიაციის დონის გაზრდის შესახებ.
სააგენტო „რიას" ცნობით, აფეთქებას ემსხვერპლნენ სპეციალისტები „როსატომიდან" და თავდაცვის სამინისტროდან.
ბოლო კვირის განმავლობაში, ეს მეორე შემთხვევაა, როდესაც რუსეთის სამხედრო ბაზაზე აფეთქება ხდება. მანამდე ციმბირის სამხედრო ბაზაზე, იარაღის საწყობში აფეთქებას ერთი ადამიანი ემსხვერპლა, რვა კი დაშავდა.