სასტუმროთა ქსელი Marriott-ი ნიუ-იორკში მსოფლიოში ყველაზე მაღალ მოდულურ სასტუმროს ააშენებს. სასტუმრო კომპლექსი 26 სართულიანი იქნება.
შენობა აღიმართება რეკორდულ დროში - 3 თვეში და 30%-ით იაფი დაჯდება, ვიდრე სხვა მსგავსი ტიპის შენობები. საუბარია 70 მლნ დოლარზე 100 მლნ დოლარის ნაცვლად.
მსოფლიოში სამშენებლო სექტორი სწრაფად იზრდება და ამ ფონზე კვალიფიციური მუშახელის დეფიციტია. ამიტომაც წამყვანი კომპანიები ახალი ტექნოლოგიების ძიებაში არიან, რომლებიც მშენებლობას უფრო ეფექტურს გახდის.
ახალი სასტუმრო AC NoMad იქნება არა ჩვეულებრივი შენობა, არამედ მოდულური. ეს კი ნიშნავს იმას, რომ მოდულები - სართულები ცალცალკე დამზადდება და შემდეგ აიწყო, ისევე როგორც Lego-ს კონსტრუქცია.
მართალია, მოდულების დიდი ზომებიდან გამომდინარე მისი სასტუმროს მშენებლობის ადგილზე მიტანა მხოლოდ ღამით მოხდება, ანუ იმ დროს როდესაც ნიუ-იორკის ქუჩები მსგავსი გაბარიტების ტვირთების გატარებას შეძლებს.
