რუსეთის სააგრეო საქმეთა სამინისტრო ეხმიანება რუსეთ-საქართველოს ომის მე-11 წლისთავს და განცხადებას ავრცელებს:
„ჩვენ გვახსოვს 11 წლის წინანდელი ტრაგიკული მოვლენები. 2008 წლის 7-8 აგვისტოს ღამით სააკაშვილის მთავრობამ უხეშად დაარღვია ქართულ-ოსური კონფლიქტი მშვიდობიანი მოგვარების ხელშეკრულება და დაიწყო სრულმასშტაბიანი სამხედრო ოპერაცია სამხრეთ ოსეთის წინააღმდეგ.
ქართულმა ძალებმა დაიწყეს ცხინვალის მასირებული საარტილერიო დაბომბვა. სამხედრო ოპერაციის დროს ქართული ძალები ერთმანეთისგან არ განასხვავებდნენ სამხედრო ობიექტებსა და საცხოვრებელ დასახლებებს.
მასირებული თავდასხის დროს დაიღუპა 48 რუსი ჯარისკაცი, 162 დაშავდა.
ცხინვალის მიმართ განხორციელებული სამხედრო ოპერაცია სრულიად არაპროპორციული იყო. ეს აშკარა ფაქტი მოგვიანებით დაადასტურა ევროკავშირის ეგიდით შექმნილმა საერთაშორისო კომისიის დასკვნამ, რომელსაც შვეიცარიელი დიპლომატი ჰაიდი ტალიავინი ხელმძღვანელობდა.
სამხრეთ ოსეთზე თავდასხმამ და აფხაზეთის წინააღმდეგ ანალოგიური ქმედებისთვის მზადებამ, რაც ამ ხალხების მიმართ თბილისის მრავალწლიანი ძალადობრივი პოლიტიკის კულმინაცია იყო, სხვა არჩევანი არ დაუტოვა აფხაზებსა და ოსებს, გარდა იმისა, რომ საკუთარი უსაფრთოხება და თვითგამორკვევის უფლება უზრუნველყოთ, როგორც დამოუკიდებელ სახელმწიფოებს.
2008 წლის 26 აგვისტოს რუსეთა აღიარა სამხრეთ ოსეთისა და აფხაზეთის დამოუკიდებლობა. ამ გადაწყვეტილების მიღებისას ჩვენ დავეფუძნეთ გაეროს წესედება, ჰელსკინკის აქტსა და სხვა ფუნდამენტუს საერთაშორისო სამართლის დოკუმენტებს.
დანამდვილებით შეგვიძლია იმის თქმა, რომ აფხაზეთი და სამხრეთი ოსეთი შედგნენ, როგორც სუვერენული სახელმწიფოები, მათ გააჩნიათ სახელმწიფოებრიობის ყველა ატრიბუტი, მათ შორის, საკანონმდებლო, აღმასრულებელი და სასამართლო ხელისუფლების ეფექტურად მოქმედი სისტემები. ისინი აკონტროლებენ თავიანთ ტერიტორიას, ავითარებენ ეროვნულ ეკონომიკას, კულტურას და აქტიურად არიან დაკავებულნი სამართლიანი საზოგადოების მშენებლობაში.
რუსეთის ფედერაცია აქტიურად თანამშრომლობს ამიერკავკასიის ახალგაზრდა რესპუბლიკებთან, უწევს მათ ფართომასშტაბიან ფინანსურ დახმარებას, მათ შორის საინვესტიციო პროგრამების საშუალებით სოციალ-ეკონომიკური განვითარების ხელშესაწყობად.
რუსეთის პოლიტიკა არის აბსოლუტურად გამჭვირვალე და მიზნად ისახავს პარტნიორებთან ურთიერთსასარგებლო ურთიერთობების განვითარებასა და განმტკიცებას. სამწუხაროა, რომ ვერც საქართველომ და ვერ დასავლეთმა 2008 წლის ტრაგიკული მოვლენებისგან ვერაფერი ისწავლეს.
ნაცვლად იმისა, რომ დასძლიო წარსული ტვირთი და ხელი შეუწყონ საქართველოს, აფხაზეთსა და სამხრეთ ოსეთს შორის კეთილმეზობლური ურთიერთობების დამყარებას, ოფიციალური თბილისი და მისი მხარდამჭერი დასავლეთის ქვეყნების დედაქალაქები აგრძელებენ ანტირუსული ისტერიის ესკალაციას. აგრძელებენ რეგიონის შეიარაღებას და საქართველოს ნატოსკენ სწრაფვის მხარდაჭერას. ამ ყველაფერს ჩიხისკენ მივყავართ, რომელიც რეგიონს აშორებს მშვიდობისგან, სტაბილურობისა და უსაფრთხოებისაგან.
თავის მხრივ, რუსეთი ცდილობს და ძალისხმევას არ დაიშურებს საქართველოს და აფხაზეთსა და ოსეთს შორის დიალოგის აღდგენისთვის. ჩვენ ყოველთვის ხაზგასმით აღვნიშნავდით, რომ ამ მიმართულებით პირველი ნაბიჯი უნდა იყოს ძალის გამოუყენებლობის შესახებ შეთანხმების ხელმოწერა.
კიდევ ერთხელ მოვუწოდებთ ქართულ მხარეს, ასევე ჩვენს დასავლელ პრტნიორებს, აღიარონ სამხრეთ კავკასიაში შექმნილი გეოპოლიტიკურ რეალიები", - ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში.
რუსეთ-საქართველოს ომიდან 11 წელი გავიდა.
2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა.
ჯანდაცვის სამინისტროს მონაცემებით, დაჭრილ-დაშავებულ სამოქალაქო და სამხედრო პირთა რაოდენობა სულ 2 232-ია. მათ შორის, 1045 სამხედრო მოსამსახურე იყო.
