ვაწარმოებთ მოლაპარაკებებს იმისთვის, რომ რაც შეიძლება მალე ქართული ენა ინტეგრირდეს Microsoft-ის ხელოვნური ინტელექტის პლატფორმებზე,- განაცხადა განათლების, მეცნიერების, კულტურისა და საპორტის მინისტრმა, მიხეილ ბატიაშვილმა Microsoft-ის ექსპერტთან განათლების საკითხებში ოლივერ ზოფიჩთან სამუშაო შეხვედრის შემდეგ.
მისი თქმით, ქართული ენის ხელოვნური ინტელექტის პლატფორმებზე ინტეგრირება საქართველოს განათლების სისტემას მისცემს შესაძლებლობას, დანერგოს და გამოიყენოს ხელოვნური ინტელექტი,
„დღეისათვის დიდი კომპანიები ქართული ენისთვის "ჩაკეტილია" - სწორედ ამიტომ, ხელოვნური ინტელექტის პროექტის განვითარებისთვის დავიწყეთ აქტიური მუშაობა მაიკროსოფტთან. ვაწარმოებთ მოლაპარაკებებს იმისთვის, რომ რაც შეიძლება მალე ქართული ენა ინტეგრირდეს Microsoft-ის ხელოვნური ინტელექტის პლატფორმებზე. ეს შესაძლებლობას მოგვცემს, რომ საქართველოში განათლების სისტემაში გამოვიყენოთ და დავნერგოთ ხელოვნური ინტელექტი, როგორც ერთერთი მნიშვნელოვანი და ძლიერი პლატფორმა“, - თქვა ბატიაშვილმა.