2018 წელს აშშ-ის ქალაქ კლივლენდში მიიღეს კლიმატის ცვლილების შეჩერების ამბიციური გეგმა. 2050 წელს, ელექტრო ენერგიის მოხმარების თვალსაზრისით, ქალაქი სრულად განახლებად ენერგიას გამოიყენებს. კლივლენდი შტატებში, ამჟამად, ჰაერის დაბინძურებით მე-9 ადგილს იკავებს.
კლივლენდის მერის, ფრანკ ჯეკსონის ინიციატივას, რომ 2050 წლისთვის მხოლოდ „სუფთა ენერგია“ გამოიყენონ, სხვა ქალაქების 200-მა მერმა მხარი აუბა.
კლივლენდში აქტიურად მიმდინარეობს ქარისა და მზის ენერგიის მომპოვებელი სისტემების მონტაჟი. ამ დროისთვის ელექტრო ენერგიის მოხმარების 10 პროცენტს „მწვანე ენერგიის“ მეშვეობით მოიპოვებენ.
ქალაქის მერის განცხადებით, ამბიციური გეგმის შესრულებას კლივლენდის ფონდი დაეხმარება, რომელიც პროგრამას 50 000 დოლარით დააფინანსებს, ხოლო ის ოჯახები რომლებიც დაბალი შემოსავლების გამო მზის პანელების მონტაჟს ვერ შეძლებენ, პროგრამის ფარგლებში უფასოდ მიიღებენ სისტემას.
კლივლენდი შტატებში, ჰაერის დაბინძურებით მე-9 ადგილს იკავებს.