"საერთაშორისო გამჭვირვალობა - საქართველოს" ინიციატივით, გორში, აგვისტოს ომის სახელობის კედელი გაიხსნა.
სტენსილი აგვისტოს ომის 11 წლისთავთან დაკავშირებით შეიქმნა, რომლის იდეასა და შესრულებაზე არტისტმა გიორგი გაგოშიძემ (გაგოშამ) იმუშავა.
კედელი რუსეთ - საქართველოს ომის თემატიკით და სიმბოლოებით არის დატვირთული, რომელიც მნახველს რუსულ ოკუპაციას ახსენებს.
ამასთან, „საერთაშორისო გამჭვირვალობა - საქართველოს“ აღმასრულებელმა დირექტორმა ეკა გიგაურმა და კამპანიის #ძალაევროპაშია მხარდამჭერებმა: მომღერალმა გიორგი სუხიტაშვილმა და მსახიობმა დუტა სხირტლაძემ გორის საინფორმაციო ცენტრში მოსახლეობასთან გამართეს შეხვედრა.