ოსეთი, როგორც ერთიანი სახელმწიფო რუსეთის იმპერიაში 1774 წელს შევიდა,- ამის შესახებ ოსი სეპარატისტების ლიდერმა ანატოლი ბიბილოვმა ჟურნალისტებთან საუბარში განაცხადა.
მისი თქმით, რუსული პასპორტით ე.წ. სამხრეთ ოსეთის მოქალაქეებს შეუძლიათ არსებული პრობლემების მოგვარება, განათლების მიღება და უცხოეთში გადაადგილება. ბიბილოვის თქმით, რუსული პასპორტების არსებობა მეტყველებს იმაზე, რომ ოსები რუსეთს ყოველთვის მიიჩნევდნენ ისტორიულ სამშობლოდ.
"ოსეთი, როგორც ერთიანი სახელმწიფო რუსეთის იმპერიაში 1774 წელს შევიდა. მხოლოდ ათწლეულების შემდეგ, 1801 წელს შევიდა ქართული სამთავრო რუსეთის იმპერიაში", - განაცხადა ოსი სეპარატისტების ლიდერმა ანატოლი ბიბილოვმა.
ბიბილოვმა აგრეთვე აღნიშნა, რომ ოკუპირებული სამხრეთ ოსეთის მოსახლეობის 95 პროცენტი რუსეთის მოქალაქეა.
"სამხრეთ ოსეთის მოქალაქეების 95 პროცენტი რუსეთის ფედერაციის მოქალაქეა. ეს არ მხოლოდ სწორი, არამედ აუცილებელია", - განუცხადა ოსმა სეპარატისტმა ჟურნალისტებს.
