უკრაინაში სამართალდამცველებმა არალეგალი მიგრანტები დააკავეს, რომელთა შორის, საქართველოს მოქალაქეებიც არიან.
ადგილობრივი პოლიციის პრესსამსახურის ინფორმაციით, ისინი ბაზრობა „ტროეშინაში“ მუშაობდნენ.
მათი ცნობით, 119 არალეგალი მიგრანტია დაკავებული, მათ შორის არიან, საქართველოს, აზერბაიჯანის, უზბეკეთისა და ტაჯიკეთის მოქალაქეები.
დაკავებულებიდან 50 ადამიანს სამშობლოში იძულებით დააბრუნებენ, 36-ს შეუმცირეს უკრაინაში ყოფნის ვადა, 10 ადამიანი კი უცხოელებისთვის განკუთვნილ დროებითი მოთავსების იზოლატორში გადაიყვანეს.