დიდ ბრიტანეთი საშუალო და მოკლე მანძილზე მოქმედების რაკეტების ლიკვიდაციის შეთანხმების შეწყვეტაში რუსეთს ადანაშაულებს. ბრიტანეთის საგარეო საქმეთა მინისტრ დომინიკ რააბის თქმით, რუსეთი დამნაშავეა შეთანხმების შეწყვეტაში და რადგან იგი საიდუმლოდ განაგრძობს სარაკეტო სისტემის განთავსებას.
„რუსეთმა საშუალო და მოკლე მანძილზე მოქმედი რაკეტების ლიკვიდაციის შეთანხმება კრახამდე მიიყვნა, ის საიდუმლოდ განაგრძობს სარაკეტო სისტემის შემუშავებასა და განთავსებას, რაც შესაძლოა, მიმართული იყო ევროპის ქვეყნების დედაქალაქებისკენ. მათ მიერ წესების უგულველყოფა ევროპულ უსაფრთხოებას საფრთხეს უქმნის“, - წერს მინისტრი მიკრობლოგ Twitter-ში.
ნატო-ს გენერალურმა მდივანმა იენს სტოლტენბერგმა დღეს განაცხადა, რომ ნატო სარაკეტო შეთანხემბის შეწყვეტას პასუხს გასცემს ანტისარაკტო თავდაცვის სფეროში ღონსიძიებებით, უზრუნველყოფს ბირთვული შეკავების საშუალებების ეფექტიანობას, თუმცა არ აპირებს ახალი სახმელეთო ბირთვული რაკეტების განთავსებას ევროპაში.
2019 წლის ორი აგვისტოდან შეწყდა საბჭოთა კავშირსა და შეერთებულ შტატებს შორის დადებული შეთანხმება, საშუალო და მცირე მანძილზე მოქმედი რაკეტების ლიკვიდაციის შესახებ. შეთანხმებას ხელი 1987 წლის 8 დეკემბერს მოეწერა.
ვაშინგტონმა მანამდე განაცხადა, რომ შეთანხმებას დატოვებდა რუსეთის მხრიდან არსებული დარღვევების გამო.
დოკუმენტის თანახმად 500-დან 5 ათასამდე კმ-ის მანძილზე მოქმედი რაკეტები აკრძალულად იყო გამოცხადებული. თუმცა აშშ-მა და ნატო-მ მოსკოვი შეთანხმების დარღვევაში არაერთხელ დაადანაშაულა.
შეთანხმების შეწყვეტას უაღრესად სამწუხაროს უწოდებს გაერთიანებული ერების ორგანიზაციის გენერალური მდივანი ანტონიო გუტიერეში და აცხადებს, რომ მსოფლიომ დაკარგა ბირთვული იარაღის გამოყენების შემაკავებელი ძლიერი ინსტრუმენტი.
