აშშ-ის პრეზიდენტმა დონალდ ტრამპმა ხელი მოაწერა განკარგულებას, რითაც იგი სანქციებს უწესებს რუსეთს ქიმიური იარაღის გამოყენების გამო 2018 წელს რუსეთის სპეცსამსახურის თანაშრომლის სერგეი სკრიპალისა და მის ქალიშვილზე თავდასხმისას. ამის შესახებ იუწყება Politico შეერთებული შტატების ორ ოფიციალურ პირზე დაყრდნობით.
არ ვრცელდება ინფორმაცია თუ რა ღონისძიებებს მოიცავს დაწესებული სანქციები.
„აშშ-ის პრეზიდენტმა დონალდ ტრამპმა ხელი მოაწერა ბრძანებას რუსეთის მიმართ სანქციების შემოღების შესახებ 2018 წელს ქიმიური იარაღის გამოყენების გამო რუს ორმაგ აგენტზე სერგეი სკრიპალსა და მის ქალიშვილზე თავდასხმის დროს“, - წერს გამოცემა წყაროზე დაყრდნობით.
მანამდე აშშ-ის წარმომადგენელთა პალატის საგარეო საქმეთა კომიტეტმა ტრამპს მოუწოდა გადასულიყო რუსეთის წინააღმდეგ სანქციათა მეორე ეტაპზე.
2018 წლის მარტში ბრიტანეთის ქალაქ სოლსბერიში სერგეი სკრიპალი და მისი ქალიშვილი იულია ნერვულ-პარალიტური ნივთიერება „ნოვიჩოკით“ მოწამლეს. ბრიტანეთის ხელისუფლებამ მომხდარში რუსეთი დაადანაშაულა.
აშშ-ის სახელმწიფო დეპარტამენტმა 27 აგვისტოდან რუსეთის წინააღმდეგ სანქციათა პირველი ეტაპი დააწესა.
კანონის თანახმად, სანქციები ორ ეტაპად იყოფა. მეორე ეტაპი იმ შემთხვვაში უნდა გამოყენებულიყო, თუ რუსეთი სამი თვის განმავლობაში არ წარადგენდა ქიმიური და ბიოლოგიური იარაღის გამოყენებაზე უარის თქმის სარწმუნო პირობას და არ დაუშვებდა თავის ქიმიურ ობიექტებზე გაეროს ინსპექტორებს. რაც რუსეთს რა თქმა უნდა არ გაუკეთებია, ამის საპსუხოდ აშშ-მა სანქციების მეორე ეტაპი აამოქმედა.
მანამდე ვრცელდებოდა ინფორმაცია, რომ აშშ-ის სახელმწიფო დეპარტამენტსა და სახაზინო დეპარტამენტს სანქციების პაკეტი ჯერ კიდევ მარტში ჰქონდათ მზად და მის ასამოქმედებლად მხოლოდ პრეზიდენტის ხელმოწერა იყო საჭირო.
თეთრ სახლში აღნიშნულთან დაკავშირებით ჯერჯერობით კომენტარს არ აკეთებენ.
შეერთბული შტატების კანონმდებლობის თანახმად, აშშ-ს უფლება აქვს აამოქმედოს სანქციები იმ ქვეყნის მიმართ, რომელმაც გამოიყენა ქიმიური ან ბიოლოგიური იარაღი.
მოკლედ სკრიპალების მოწამვლის საქმეზე
რუსეთის სამხედრო დაზვერვის ყოფილი ოფიცრის სერგეი სკრიპალის მკვლელობის მცდელობა დიდ ბრიტანეთში, რომელსაც ადგილი ჰქონდა 2018 წლის 4 მარტს ინგლისის ქალაქ სოლსბერიში.
თავდასხმის შედეგად ასევე მოიწამლა მოსკოვიდან მამასთან სტუმრად ჩასული იულია სკრიპალი და დაზიანება მიიღო სულ მცირე 21-მა ადამიანმა.
ბრიტანელი სამართალდამცავების მიერ გამოძიება მკვლელობის მიზნით თავდასხმის კვალიფიკაციით მიმდინარეობს.
14 მარტს გაერთიანებული სამეფოს მთავრობამ მომხდარში ოფიციალურად ბრალი დასდო რუსეთის სახელმწიფოს და რუსეთის 23 დიპლომატი ქვეყნიდან გააძევა.
წინასწარი ინფორმაციით თავდასხმა განხორციელდა რუსეთის სპეცსამსახურების მიერ საიდუმლო ზემძლავრი ნერვული აგენტის "ნოვიჩოკის"გამოყენებით.