ეთიოპიის პრემიერ-მინისტრის განცხადებით, ქვეყანაში რეკორდი დაამყარეს. აბი აჰმედის განცხადებით ერთ დღეში 350 მილიონი ხე დარგეს. ეთიოპიაში კლიმატის ცვლილებას, ტყის მასივის შემცირებასა და გაუწყლოებას ებრძვიან.
ქვეყნის მასშტაბით საჯარო უწყებები და თვითმმართველობის ორგანოები ერთი დღით დაიხურა, რათა რაც შეიძლება მეტ მოხალისეს მიეღო მსოფლიოს რეკორდის დამყარებაში მონაწილეობა.
გაეროს მონაცემებით, რამდენიმე ათეული წლის წინ, ეთიოპიის მთელი ტერიტორიის 35 პროცენტი მწვანე საფარს ეკავა, ეს მონაცემი ბოლო შეფასებით 4 პროცენტამდეა შემცირებული.
ეთიოპიის ინოვაციებისა და ტექნოლოგიების მინისტრმა, გეტაჰუნ მეკურიამ „ტვიტერში“ დაწერა რომ 12 საათში ადამიანებმა 350 მილიონზე მეტი ხის ძირი დარგეს.
ეთიოპიაში მილიარდი ხის დარგვას გეგმავენ. ქვეყნის მასშტაბით, მედია საშუალებები მცენარეების დარგვისა და მოვლის ინსტრუქციებზე სიუჟეტებს უჩვენებენ.
ამჟამინდელი ოფიციალური რეკორდი ინდოეთს ეკუთვნის. 2016 წელს 800 000-მა მოხალისემ ერთ დღეში 50 მილიონი ხე დარგო.
მსგავსი ინფორმაცია:
