გრიგორი კარასინი თანამდებობას ტოვებს. რუსეთის საგარეო საქმეთა მინისტრის მოადგილის პოსტზე სამი კანდიდატურა განიხილება. თუმცა გავრცელებული ინფორმაციით, უპირატესობა ივან ვოლინკინს მიენიჭება, რომელიც დღეს სამინისტროში საკონსულო დეპარტამენტს ხელმძღვანელობს.
მედიის ინფორმაციით, გრიგორი კარასინი მინისტრის მოადგილის თანამდებობას ასაკის გამო ტოვებს.
საჯარო სამსახურის შესახებ კანონის თანახმად 70 წლის ასაკის ზემოთ მყოფ პირს საგარეო საქმეთა მინისტრის მოადგილის თანამდებობაზე მუშაობის უფლება არ აქვს, კარასინი კი 70 წლის ერთ თვეში ხდება. ცნობილია რომ რუსი დიპლომატი ფედერაციის საბჭოში გადაინაცვლებს. მის კანდიდატურას სენატორის პოსტზე სახალინის გუბერნატორი აყენებს.