ბათუმში, მშენებარე კორპუსთან, სადაც დღეს ლიფტი ჩაწყდა და შედეგად ოთხი ადამიანი დაშავდა ინციდენტი მოხდა. პირველი არხის ინფორმაციით, შემთხვევის ადგილზე მშენებელი კომპანიის წარმომადგენლები ტელეკომპანიის ოპერატორს ფიზიკურად გუსწორდნენ.
„მშენებელი კომპანიის, „გრანდ სიტის“ წარმომადგენლები თავს დაესხნენ ოპერატორებს, რომლებიც შემთხვევის ადგილს იღებდნენ. მათ ოპერატორებს სიტყვიერი შეურაცხყოფა მიაყენეს და ქვები დაუშინეს. შედეგად, პირველი არხის ოპერატორმა ედნარ კოჩალიძემ დაზიანება მიიღო. მას ჭრილობა თავის არეში აქვს მიყენებული”,- წერს პირველი არხი.
ადგილზე გამოძახებულია პოლიცია.
შეგახსენებთ, დღეს ბათუმში, აღმაშენებლის ქუჩაზე საცხოვრებელი კორპუსის ლიფტი ჩაწყდა. შემთხვევის დროს კაბინაში მყოფი ოთხივე ადამიანი დაშავდა.