ჩრდილოეთ კორეის უზენაესმა ლიდერმა კიმ ჩენ ინმა წყალქვეშა ხომალდის მშენებლობა დაათვალიერა. აღნიშნულ ინფორმაციასა და კადრებს ჩრდილოეთ კორეის სახელმწიფო სააგენტო ავრცელებს.
სააგენტოს ინფორმაციით, წყალქვეშა ხომალდი, რომელიც თავდაცვითი და საბრძოლო სისტემებით იქნება აღჭურვილი, ჩრდილოეთ კორეის ტერიტორიულ წყლებში უახლოეს მომავალში ჩაეშვება.
კიმ ჩენ ინმა დიდი კმაყოფილება გამოთქვა, წყალქვეშა ხომალდის მშენებლობის მიმდინარეობისა და შესაძლებლობებთან დაკავშირებით.
შეხვედრაზე ხაზგასმით აღინიშნა, რომ ძალიან მნიშვნელოვანია ჩრდილოეთ კორეამ გაზარდოს თავდაცვისუნარიანობა, რათა მტკიცედ იყოს დაცული ქვეყნის ერთიანობა, საზღვრები და სუვერენიტეტი.