ამერიკის შეერთებული შტატების სენატმა თავდაცვის მდივნის პოსტზე მაიკ ესპერის კანდიდატურა დაამტკიცა. ამით დასრულდა ყველაზე ხანგრძლივი პერიოდი, 2018 წლის დეკემბრიდან დღემდე, რაც პენტაგონი ხელმძღვანელის გარეშე მუშაობდა.
მაიკ ესპერის კანდიდატურამ, რომელიც სენატს პრეზიდენტმა ტრამპმა წარუდგინა, რესპუბლიკელის სენატორების ფართო მხარდაჭერა მოიპოვა. ესპერს 90 სენატორი მიემხრო, მხოლოდ რვა წავიდა წინააღმედგ.
55 წლის მაიკ ესპერი შეერთებული შტატების არმიის ვეტერანია. იგი სხვადასხვა დროს კონგრესსა და პენტაგონში მუშაობდა. ბოლოდ დროს, ლობისტობით იყო დაკავებული.
შეგახსენებთ, 2018 წლის დეკემბერში თავდაცვის მდივანმა ჯეიმს მეტისმა თანადებობა მას შემდეგ დატოვა, რაც პროტესტი გამოხატა დონალდ ტრამპის ბრძანების მიმართ, რომელიც სირიიდან ამერიკული ჯარების გაყვანას ეხებოდა.
2019 წლის პირველი იანვრიდან ვიდრე 2019 წლის 18 ივნისამდე, თავდაცვის მდივნის მოვალეობას პატრიკ შანაჰანი ასრულებდა, რომელმაც თავისი კანდიდატურა პირად ცხოვრებასთან დაკავშირებული სკანდალის გამო მოხსნა.