ათასობით აღშფოთებული მოლდოვის მოქალაქე პეტიციით მიმართავს ქვეყნის ხელისუფლებას, დასაჯოს სასულიერო პირი, ძაღლის მანქანაზე მიბმისა და გზაზე თრევის გამო. ინფორმაციას "რადიო თავისუფლების" მოლდოვის სამსახური ავრცელებს.
მღვდლის დასჯის მოთხოვნით ხელისუფლებისადმი მოქალაქეების მიმართვას წინ უძღოდა სოციალურ ქსელში გავრცელებული ვიდეო, სადაც ნათლად ჩანს, თუ როგორ არის მიბმული მღვდლის მოძრავი მანქანის უკანა ნაწილზე ძაღლი ჯაჭვით.
როგოც თვითმხილველები აღწერენ, გზაზე მიმავალმა სხვა მძღოლებმა აიძულეს მღვდელი, მანქანა გაეჩერებინა და ძაღლი გაეთავისუფლებინა.
მართლმადიდებელი მღვდელი გენადი ვალუტა წარსულში ცნობილია, როგორც ლგბტ აქტივობის სასტიკი წინააღმდეგი.
როგორც გავრცელებულ ვიდეოში მღვდელი ვალუტა ამბობს, ძაღლი მანქანის უკანა ნაწილზე მხოლოდ იმიტომ მიაბა, რომ მანქანის ინტერიერი არ დაესვარა.
ამ დროისთვის, 25 ათასამდე მოქალაქი ითხოვს მღვდლის დაუყოვნებლივ დასჯას ცხოველის მიმართ სასტიკი მოპყრობის გამო. მოლდოვის კანონმდებლობა აღნიშნული დანაშაულისთვის 3 წლამდე პატიმრობას ითვალისწინებს.