რუსთავი 2-ის დირექტორად პაატა სალია დაინიშნა. შესაბამისი ცვლილება საჯარო რეესტრმა პარტნიორთა კრების გადაწყვეტილების საფუძველზე დაარეგისტრირა.
ბიზნესმენმა ქიბარ ხალვაშმა „რუსთავი 2-ის“ გენერალური დირექტორის ცვლილებისთვის რეესტრს დღეს მას შემდეგ მიმართა, რაც საჯარო რეესტრის ეროვნულმა სააგენტომ შპს „სამაუწყებლო კომპანია რუსთავი 2“ ქიბარ ხალვაშს დაურეგისტრირა.
ქიბარ ხალვაში პარტნიორთა კრების საფუძველზე გენერალური დირექტორის ნიკა გვარამიას თანამდებობიდან გათავისუფლებასა და ამ თანამდებობაზე პაატა სალიას დანიშვნას ითხოვდა.
საჯარო რეესტრმა ტელევიზიის 60% – ქიბარ ხალვაშს, ხოლო 40% ხალვაშის კომპანია „პანორამას“ მიეკუთვნა. გადაწყვეტილება რეესტრმა 15:28 საათზე მიიღო. სტრასბურგის ადამიანის უფლებათა ევროპულმა სასამართლომ „რუსთავი 2“-ის საქმეზე გადაწყვეტილება დღეს გამოაცხადა. სტრასბურგის სასამართლოს გადაწყვეტილებით, „რუსთავი 2“-ის საქმეზე კონვენციის დარღვევა არ დადგინდა და შეჩერების მექანიზმი მოიხსნა.