ბიზნესმენმა ქიბარ ხალვაშმა „რუსთავი 2-ის“ გენერალური დირექტორის ცვლილებისთვის რეესტრს მიმართა.
განცხადება ცოტა ხნის წინ დარეგისტრირდა. ქიბარ ხალვაში პარტნიორთა კრების საფუძველზე ითხოვს გენერალური დირექტორის ნიკა გვარამიას თანამდებობიდან გათავისუფლებას და ამ თანამდებობაზე პაატა სალიას დანიშვნას.
დღეს საჯარო რეესტრის ეროვნულმა სააგენტომ შპს „სამაუწყებლო კომპანია რუსთავი 2“ ქიბარ ხალვაშს დაურეგისტრირა.
საჯარო რეესტრმა ტელევიზიის 60% – ქიბარ ხალვაშს, ხოლო 40% ხალვაშის კომპანია „პანორამას“ მიეკუთვნა. გადაწყვეტილება რეესტრმა 15:28 საათზე მიიღო. სტრასბურგის ადამიანის უფლებათა ევროპულმა სასამართლომ „რუსთავი 2“-ის საქმეზე გადაწყვეტილება დღეს გამოაცხადა. სტრასბურგის სასამართლოს გადაწყვეტილებით, „რუსთავი 2“-ის საქმეზე კონვენციის დარღვევა არ დადგინდა და შეჩერების მექანიზმი მოიხსნა.