მე რუსეთის როლს ვხედავ საქართველოს გაერთიანების პროცესში - განაცხადა „პატრიოტთა ალიანსის" ლიდერმა და საქართველოს პარლამენტის თავმდჯომარემ ირმა ინაშვილი ტელეკომპანია „პირველის" ეთერში.
მისი თქმით, სწორედ რუსეთში დევს სოხუმის და ცხინვალის დაბრუნების გასაღები.
ირმა ინაშვილმა ისაუბრა ასევე „პატრიოტთა ალიანსის" და საქართველოს პარლამენტის წევრების მოსკოვში ვიზიტის შესახებ და განაცხადა, რომ მათი მიზანია რუს დეპუტატებთან პირდაპირი დიალოგი, რათა შეინარჩუნონ ქვეყნის ტერიტორიული მთლიანობა.
„დიპლომატიური, გონივრულობა, ბრძნული მოქმედება ნიშნავს იმას, რომ ჩვენ ჩვენი სახელმწიფო ინტერესების სასარგებლოდ ვიმოქმედოთ.
ამ დიალოგზე მივდივართ იმიტომ და წავალთ ამ დიალოგზე, რომ ჩვენი ქვეყანა არ დაიშალოს მარტივ მამრავლებად და არ განხორციელდეს სააკაშვილისა და ბოკერიას გეგმა საქართველოს დაშლა-დაქუცმაცების შესახებ.
იმიტომ ვსაუბრობთ ჩვენ რუს დეპუტატებთან, რომ გვინდა შევინარჩუნოთ ჩვენი ქვეყნის ტერიტორიული მთლიანობა და ჩვენ ამას ვეცდებით", - თქვა ირმა ინაშვილმა.
