საქართველოს პრეზიდენტი სალომე ზურაბიშვილი ურსულა ფონ დერ ლაიენს ევროკომისიის პრეზიდენტად არჩევას ულოცავს.
"გულწრფელად ვულოცავ ურსულა ფონ დერ ლაიენს ევროკომისიის პრეზიდენტად არჩევას. მოუთმენლად ველოდები თქვენთან უახლოეს მომავალში თანამშრომლობას", - წერს სალომე ზურაბიშვილი მიკრობოლოგ "ტვიტერზე".
შეგახსენებთ, ცოტა ხნის წინ, ევროპარლამენტმა გერმანიის უკვე ყოფილი თავდაცვის მინისტრი ურსულა ფონ დერ ლაიენი ევროკომისიის პრეზიდენტად აირჩია.
ურსულა ფონ დერ ლაიენმა ევროპარლამენტის 383 დეპუტატის ხმა მოიპოვა, წინააღმდეგ 327-მა დეპუტატმა მისცა ხმა.
ევროკომისიის პრეზიდენტის პოსტს ურსულა ფონ დერ ლაიენი ოფიციალურად პირველი ნოემბრიდან დაიკავებს და ის მოქმედ პრეზიდენტს ჟან-კლოდ იუნკერს ჩაანაცვლებს.
