ლონდონის მერმა სადიქ ხანმა არ გასცა ნებართვა ქალაქის ცენტრში ცათამბრჯენის მშენებლობის თაობაზე. ინფორმაციას The Guardian-ი ავრცელებს.
ცათამბრჯენი, სახელად The Tulip (ტიტა) 300 მეტრის სიმაღლის იქნებოდა, რომლის ზედა სართულებზე რესტორანი და ქალაქის ხედის დასათვალიერებელი სივრცე უნდა ყოფილყო.
ნაგებობა, აშენების შემთხვევაში, დასავლეთ ევროპაში სიმაღლით მეორე იქნება. პროექტის მხარდამჭერები აცხადებენ, რომ შენობა წლის განმავლობაში 1,2 მლნ ტურისტს მოიზიდავდა.
ლონდონის მერიის წარმომადგენლების ინფორმაციით, ქალაქის ხელმძღვანელი მიიჩნევს, რომ ნაგებობა მნიშვნელოვნად დააზიანებს ლონდონის იერსახეს და ქალაქის კულტურული მემკვიდრეობის ნაწილს, სადაც ცათამბრჯენი უნდა აშენებულიყო.
