მსოფლიოს ერთ-ერთი უდიდესი ავტომწარმოებლის, გერმანული კონცერნის ლეგენდარული „ხოჭო“ წარსულს ჩაბარდა.
ავტომწარმოებელი "ხოჭოს“ წარმოებას მექსიკაში, პუებლაში მდებარე ქარხნიდან ბოლო მანქანის გამოშვების შემდეგ შეწყვეტს.
„ძნელია იმის წარმოდგენა თუ როგორი იქნებოდა „ფოლკსვაგენი“ „ხოჭოს გარეშე“, - თქვა ავტოკონცერნის აღმასრულებელმა დირექტორმა სტივ კეიგმა.
საინტერესოა ის, რომ „ფოლკსვაგენის“ დაბადების ისტორია გერმანიის დიქტატორს, ადოლფ ჰიტლერს უკავშირდება.
ადოლფ ჰიტლერის უშუალო დავალებით, 1937 წლის 28 მაისს გერმანელ მუშათა ფრონტმა ბერლინში დააარსა ფირმა, რომელსაც 1938 წლის 16 სექტემბერს „ფოლკსვაგენი“ ეწოდა.
1939 წელს ქარხანა უკვე მზად იყო მასიური წარმოების განსახორციელებლად, მაგრამ მეორე მსოფლიო ომის გამო, სამხედრო დაკვეთების შესრულება მოუწია. მხოლოდ 1946 წელს გამოუშვეს პირველი „ხოჭო“ (გერმ. Käfer „ხოჭო“).
1980 წელს გერმანიაში „ხოჭოს“ გამოშვება დასრულდა, მაგრამ მექსიკის ქარხანაში მისი წარმოება კიდევ დიდხანს გაგრძელდა.
