ლევან ვასაძე კიდევ ერთხელ შეხვდა თავის ვერის ბაღში შეკრებილ მხარდამჭერებს და განაცხადა, რომ იგი წავა პოლიციაში გამოკითხვაზე.
როგორც ვასაძემ განაცხადა, მისი პოლიციაში იმ მიზანს ემსახურება, რომ პოლიტიკაში იძულებით "ჩაითრიონ", თუმცა ამაო, ეს მცდელობა, რადგან მას არ სურს არც სკამი და არც რაიმე თანამდებობა.
"ბიძინა, მიბარებ პოლიციაში, იმიტომ რომ გინდა შემათრიო პოლიტიკაში - ასე მიმართა ვასაძემ ბიძინა ივანიშვილს პოლიციაში გამოკითხვაზე წასვლამდე.
ლევან ვასაძემ ყურადღების მიღმა ამჯერადაც არ დატოვა "თბილისი პრაიდის" მიერ დაგეგმილი ღირსების მარშის საკითხი და განაცხადა, რომ არასოდეს არ დაუშვებენ საქართველოში ამ ღონისძიების ჩატარებას, რასაც მხარდამჭერების მხრიდან აპლოდისმენტები და შეძახილები მოჰყვა.
შეგახსენებთ, დღეს შინაგან საქმეთა სამინისტრომ ლევან ვასაძე გამოკითხვაზე დაიბარა. შსს-ში მიმდინარეობს გამოძიება უკანონო ფორმირების შექმნის, ხელმძღვანელობის და მასში გაწევრიანების ფაქტებზე.