2020 წელს საპარლამენტო არჩევნების მოგება, არ უნდა გაგვიჭირდეს , - განაცხადა საქართველოს პარლამენტის თავმჯდომარემ „ტვ პირველის“ პირდაპირ ეთერში.
„ვინ მოიგებს მომავალ წელს არჩევნებს, ამას გადაწყვეტს ხალხი, თუმცა, ჩვენ ვაკეთებთ ვითარების ანალიზს და ვითარების ანალიზი გვაძლევს იმის პროგნოზირების საშუალებას, რომ ჩვენ არ უნდა გაგვიჭირდეს წესით, 2020 წელს საპარლამენტო არჩევნების მოგება. კიდევ ერთხელ გავიმეორებ, რომ ამას აქვს თავის ბევრი მიზეზი, მათ შორის, ერთერთი მთავარი მიზეზი არის ის, რომ მთავარი ოპონენტი, პოლიტიკური ძალა „ნაცმოძრაობა“ თავისი განშტოებებით არის დისკრედიტირებული და ამ ვითარებაში, ბუნებრივია, შედეგად ვიღებთ იმ სურათს, რაც მივიღეთ, მაგალითად, 2016 წელს და მოგვიანებით“,- განაცხადა კობახიძემ.
