ინდოეთში, 2 წლის გოგონას მამის ვალების გამო თვალები დათხარეს და მოკლეს. როგორც daily mail იტყობინება, გოგონას მამამ ვერ შეძლო მეზობლისთვის 113 სტერლინგის დაბრუნება, რის გამოც მას შვილი მოსტაცეს, თვალები დასთხარეს, გააუპატიურეს და მოკლეს.
30 მაისის შემდეგ, 2 წლის ინდოელ გოგონას პოლიცია ეძებდა. გოგონა გარდაცვლილი და თვალებდათხრილი ნაგვის ყუთში ჩაგდებული იპოვნეს.
მომხდარის გამო დაკავებულია 2 მუსლიმი მამაკაცი, რომელსაც სასტიკ დანაშაულში ბრალი ედება. ასევე დაკავებულია ერთ-ერთი ბრალდებულის ორი ნათესავი, რომელებსაც თანამონაწილეობაში ედებათ ბრალი.
როგორც dailymail-ი იუწყება, გოგონას სასტიკ მკვლელობასა და თვალების დათხრამდე, ბრალდებულებმა ბავშვი გააუპატიურეს, თუმცა პოლიციას გოგონას გვამზე სექსუალური ძალადობის კვალი არ აღმოუჩენია. ბრალდებულების დეენემის ნიმუშები აღებულია და გაგზავნილია ექსპერტიზაზე.
ინდოეთში მომხდართან დაკავშირებით მასობრივი ანტი-მუსლიმური პროტესტია დაწყებული. ათასობით ადამიანი მომხდარ სასტიკ მკვლელობას აპროტესტებს და მთავრობას უმკაცრესი შემხვედრი ნაბიჯების გადადგმისკენ მოუწოდებს.
ნარენდრა მოდის მთავრობამ საპროტესტო აქციებზე ვითარების ესკალაციის ასარიდებლად ძალოვანი დანაყოფების მობილიზება მოახდინა.