სოფელ ზემო ნიქოზში, რომელიც გამყოფ ხაზთან მდებარეობს, ადგილობრივმა და თბილისიდან ჩასულმა პატარა მეკლდეურებმა მონაწილეობა მიიღეს „კლდის ვეფხვების ფესტივალში.“ გამარჯვებულები როგორც ბიჭებში, ისე გოგონებში სამ ასაკობრივ კატეგორიაში გამოვლინდნენ და მათ სპეციალური მედლები, დიპოლომები და საჩუქრები გადაეცათ.
ღონისძიების ორგანიზატორების განცხადებით, ფესტივალის მიზანია ნიქოზის თემში მეკლდეურობის პოპულარიზაცია, ასევე ჯანსაღი ცხოვრების წესის დამკვიდრება და ხელშეწყობა.
ფესტივალი ნიქოზის მეკლდეურთა კლუბის ორგანიზებით და საქართველოს ეროვნული ფედერაციის „სპორტი ყველასთვის“ ფინანსური მხარდაჭერით ჩატარდა. ფესტივალის მხარდამჭერები ასევე იყვნენ მაღაზია „მოგზაური“ და შპს „ალტიტუდა“.
