დიდ ბრიტანეთში ეგვიპტის საელჩო ლონდონს სთხოვს, შეაჩეროს Christie-ს აუქციონზე უძველესი ეგვიპტური ნაკეთობის, ფარაონ ტუტანჰამონის სკულპტურის გაყიდვის პროცესი. აღნიშნულთან დაკავშირებით განცხადება ეგვიპტის საგარეო საქმეთა სამინისტრო ავრცელებს.
მანამდე Christie-მ განაცხადა, რომ ტუტანჰამონის კვარციტის სკულპტურას, რომლის სიმაღლე 28,5 სანტიმეტრია, აუქციონზე გასაყიდად 4 ივლისს გაიტანენ.
სკულპტურის თავდაპირველი ღირებულება 5,1 მლნ დოლარით განისაზღვრა.
გარდა ტუტანჰამონის სკულპტურისა, ეგვიპტე ითხოვს 3-4 ივლისის აუქციონებზე შეჩერდეს ყველა ეგვიპტური სიძველის გაყიდვა, რადგან სიღრმისეულად გამოარკვიონ სიძვეელთა მფლობელობის ნამდვილობა.
სიძველეთა გაყიდვის შეჩერების მოთხოვნით, ეგვპიტემ იუნესკოსაც მიმართა.