სებ-ის პრეზიდენტის კობა გვენეტაძემ პარლამენტში საკომიტეტო მოსმენაზე თიბისი ბანკთან დაკავშირებით დეპუტატების შეკითხვებსაც უპასუხა და განმარტა, რომ ფულის გათეთრების ინსპექტირებასთან დაკავშირებითაც მუშაობს ეროვნული ბანკი და ასეც უნდა იყოს.
"ეროვნული ბანკის ფუნქცია ამ შემთხვევაში შემოიფარგლება ფულის გათეთრების აღმკვეთი ღონისძიებების ხელშეწყობის კანონმდებლობის დაცვასთან დაკავშირებით. ანუ, ჩვენ უნდა შევამოწმოთ და დავაინდენტიფიციროთ, რამდენად ხდება ამ კანონმდებლობის დაცვა, ჩვენი ზედამხედველობის სუბიექტების მიერ, მაგრამ ეროვნული ბანკი არ არის უფლებამოსილი, მას არ აქვს მანდატი და ექსპერტიზა იმისათვის, რომ მან გადაწყვიტოს და განსაზღვროს, გათეთრდა თუ არა ფული", აღნიშნა კობა გვენეტაძემ.