გერმანიაში, მე-19 საუკუნეში აგებული გემი, რომელსაც სულ ცოტა ხნის წინ ძვირადღირებული რესტავრაცია ჩაუტარდა, ბორანთან შეჯახების შედეგად მდინარე ელბაში ჩაიძირა.
გემი „შონერის“ ბორტზე არსებული 43 მგზავრის ევაკუაცია ახლოს მდებარე სამაშველო ხომალდმა დროულად განახორციელა. სამაშველო ხომალდის სწრაფი რეაგირების მიუხედავად, ვერ მოხერხდა რესტავრირებული გემის გადარჩენა და ის მომენტალურად ჩაიძირა. ბორტზე მყოფი ყველა მგზავრი და ეკიპაჟის ყველა წევრი უსაფრთხოდაა.
37-მეტრიანი გემი „შონერი“ 1883 წელს ჰამბურგის პორტში ააგეს. გემის რესტავრაცია დანიურმა კომპანიამ აწარმოა. რესტავრაციის ღირებულება 1,7 მილიონი დოლარი დაჯდა.