სამწუხაროდ, ამჯერად ვერ შევძელით როგორც ჩანს, მთაწმინდელი ამომრჩევლის უდიდესი ნაწილის დარწმუნება იმაში, რომ იმ ხელისუფლების შესაცვლელად, რომელსაც აღარ ენდობი, საკმარისი არ არის პასიური პროტესტი, რომ ამისთვის საჭიროა, არჩევნებზე მოსვლა და შენი ამ პოზიციის დაფიქსირება, – – ამის შესახებ მთაწმინდის მაჟორიტარულ ოლქში "ევროპული საქართველო – თავისუფალი დემოკრატების" კანდიდატმა, შალვა შავგულიძემ განაცხადა.
მისივე თქმით, ხელისუფლებამ ამომრჩეველთა დაბალი აქტივობის ფონზე ხელისულებამ შეძლო და შენარჩუნა პოზიციები.
"მართალია, "ევროპული საქართველოს" და "თავისუფალი დემოკრატების" ძალისხმევა და ასევე ის მხარდაჭერა, რომლესაც ვიღებდით სხვა პოლიტიკური ძალების და საზოგადოების წარმომადგენლებისგან, დღეს არ გახდა წარმატების მისაღწევად საკმარისი, მაგრამ ჩვენ ამ სურათს აუცილებლად შევცვლით და წარმატებას მივაღწევთ ხვალ. სამწუხაროდ, ამჯერად ვერ შევძელით როგორც ჩანს, მთაწმინდელი ამომრჩევლის უდიდესი ნაწილის დარწმუნება იმაში, რომ იმ ხელისუფლების შესაცვლელად, რომელსაც აღარ ენდობი, საკმარისი არ არის პასიური პროტესტი. რომ ამისთვის საჭიროა, არჩევნებზე მოსვლა და შენი ამ პოზიციის დაფიქსირება", - განაცხადა შავგულიძემ.
თბილისში, N1 მთაწმინდის მაჟორიტარულ საარჩევნო ოლქში საქართველოს პარლამენტის 2019 წლის 19 მაისის შუალედური არჩევნების მეორე ტური ჩატარდა. არჩევნები 31 საარჩევნო უბანზე ჩატარდა, სადაც ჯამში 43 909 ამომრჩეველი იყო რეგისტრირებული. არჩევნებში ორი კანდიდატი მონაწილეობდა: N13 შალვა შავგულიძე – „ევროპული საქართველო – თავისუფალი დემოკრატები“ და N41 ვლადიმერ კახაძე – „ქართული ოცნება – დემოკრატიული საქართველო“. წინასწარი მონაცემებით, დათვლილი ხმათა 75 პროცენტიდან, ლადო კახაძემ 62,5 პროცენტი მიიღო, ხოლო შალვა შავგულიძემ - 37,5.