ჩეხეთი გმობს ოკუპირებულ ცხინვალში მიმდინარე ე.წ. საპარლამენტო არჩევნებს და აფხაზეთში დაგეგმილ ე.წ. საპრეზიდენტო არჩევნებს და არ აღიარებს მის შედეგებს. აღნიშნულთან დაკავშირებით საგარეო უწყება განცხადებას ავრცელებს.
"ჩეხეთის რესპუბლიკის საგარეო საქმეთა სამინისტრო ხაზგასმით აღნიშნავს, რომ გმობს ცხინვალში მიმდინარე ე.წ. საპარლამენტო არჩევნებს და აფხაზეთში დაგეგმილ ე.წ. საპრეზიდენტო არჩევნებს, რომელიც 2019 წლის 25 აგვისტოს გაიმართება, და არ ცნობს მის შედეგებს.
საგარეო საქმეთა სამინისტრო კიდევ ერთხელ გამოხატავს საქართველოს სუვერენიტეტისა და ტერიტორიული მთლიანობის მიმართ სრულ მხარდაჭერას“, - აღნიშნულია ჩეხეთის საგარეო უწყების განცხადებაში.