"ესტონეთი მკაცრად გმობს ოკუპირებულ სამხრეთ ოსეთის რეგიონში მიმდინარე ე.წ. საპარლამენტო არჩევნებს", - ნათქვამია ესტონეთის საგარეო საქმეთა სამინისტროს მიერ გავრცელებულ განცხადებაში.
ესტონეთის საგარეო საქმეთა სამინისტრო ე.წ. არჩევნებს უკანონდ მიიჩნევს და არ აღიარებს მის შედეგებს.
"მსგავსი უკანონო ქმედებები კონფლიქტის მშვიდობიანი მოგვარებისკენ მიმართლ ძალისხმევას ძირს უთხრის და შესაბამისად იგი საფრთხეს უქმნის უსაფრთხოებასა და სტაბილურობას რეგიონში.
ჩვენ მოვუწოდებთ რუსეთს შეწყვიტოს საერთაშორისო სამართლის პრინციპების უხეში დარღვევა საქართველში და შეასრულოს 2008 წლის აგვისტოში გაფორმებული „ცეცხლის შეწყვეტის შესახებ შეთანხმება“.
ესტონეთი კვლავ ადასტურებს საქართველოს სუვერენიტეტისა და ტერიტორიული მთლიანობის თანმიმდევრულ მხარდაჭერას საერთაშორისოდ აღიარებულ საზღვრებში. ხაზგასმით აღვნიშნავთ, რომ სამხრეთ ოსეთი და აფხაზეთი საქართველოს განუყოფელი ნაწილია", - აღნიშნულია საგარეო საქმეთა სამინისტროს მიერ გავრცელებულ განცხადებაში.
