ბათუმში უკანონო ნაგავსაყრელების გაწმენდა მიმდინარეობს. ბათუმის მერიის ინფორმაციით, გაწმენდითი სამუშაოები უკვე დასრულდა ბარცხანის ხიდთან არსებულ უკანონო ნაგავსაყრელზე.
ნარჩენებისგან ასევე გაიწმინდა ინასარიძის ქუჩისა და იუსტიციის სახლის მიმდებარე ტერიტორიებზე წარმოქმნილი უკანონო ნაგავსაყრელები.
ქალაქის ტერიტორიაზე არსებული უკანონო ნაგავსაყრელების გაწმენდა ეტაპობრივად მიმდინარეობს და მთელ ქალაქს მოიცავს.
ბათუმის მერია მოუწოდებს მოსახლეობას, არ დაყარონ ნარჩენები და გაუფრთხილდნენ გარემოს.