ამერიკელმა მომღერალმა მადონამ გაზეთ New York Times-ში გამოქვეყნებული პუბლიკაცია "მადონა 60 წლის ასაკში“ (Madonna at Sixty) გააკრიტიკა და აღნიშნა, რომ თავს გაუპატიურებულად გრძნობს. მან ამის შესახებ Instagram-ის გვერდზე დაწერა.
"ჟურნალისტმა, რომელაც ეს სტატია დაწერა, ჩემთან დღეებს, საათებსა და თვეებს ატარებდა და მიწვეული იყო იმ სამყაროში, რომელიც ბევრი ადამიანისთვის მიუწვდომელია. მაგრამ მან არჩია შემოფარგლულიყო ტრივიალური და ზედაპირული საკითხებით, ისეთი როგორიცაა ჩემი დუბლიორის ეთნიკური წარმომავლობა და ჩემი შორტის ქსოვილი, ასევე უწყვეტი კომენტარებით ჩემს ასაკთან დაკავშირებით, რომელსაც არც კი ახსენებდა, მამაკაცი რომ ვყოფილიყავი“, - აღნიშნა მომღერალმა.
"მენანება მასთან გატარებული 5 წუთიც კი. ეს მე თავს გაუპატიურებლად მაგრძნობინებს, დიახ, მე შემიძლია გამოვიყენო ეს ანალოგი, თავს ვგრძნობ ზუსტად ისე, როგორც 19 წლის ასაკში, როდესაც გამაუპატიურეს. ეს კიდევ ერთი დადასტურებაა იმისა, რომ ყველაზე კითხვადი გამოცემა NYT პატრიარქატის დამფუძნებლებს წარმოადგენს“, - წერს მადონა.
New York Times-თან ინტერვიუში მადონამ განაცხადა, რომ ჰოლივუდის პროდიუსერმა ჰარვი ვაინშტაინმა ყველა საზღვარი გადაკვეთა, როდესაც ისინი ერთად 1991 წელს დოკუმენტურ ფილმზე „მადონასთან საწოლში“ მუშაობდნენ და უარყო ხმები იმის შესახებ რომ დონალდ ტრამპი პაემანზე დაპატიჟა.
