HBO-ს მიერ გადაღებულმა მინისერიალმა „ჩერნობილი“, რომელიც 1986 წლის 26 აპრილს ჩერნობილის ატომურ რეაქტორში ბირთვული კატასტროფის შესახებ გვიამბობს, მსოფლიოს მასშტაბის მოწონება დაიმსახურა და HBO-ს ყველა რეიტინგი მოხსნა.
რუსეთში კი სადაც ჯერ კიდევ არ არის განელებული საბჭოთა ნოსტალგია, სერიალის ავტორების მიერ, საბჭოთა ხელისუფლების „გაშიშვლებამ“ შეაშფოთა რუსული მედია და მინისერიალს კრიტიკის ქარცეცხლი დაატეხეს თავს. სახელისუფლებო მედია კრიტიკას არ დასჯერდა და ტელეარხმა NTV-მ დაანონსა, რომ რუსეთში ჩერნობილის თავიანთ ვერსიას გადაიღებენ.
HBO-ს მინისერიალში, გარდა ბირთვული კატასტროფისა, მოთხრობილია საბჭოთა ხელისუფლების სისასტიკის შესახებ, რომლის არასათანადო რეაგირებამ კატასტროფის შედეგები კიდევ უფრო შემაძრწუნებელი გახადა.