ამერიკის შეერთებული შტატების პრეზიდენტი დონალდ ტრამპი და პირველი ლედი მელანია ტრამპი სახელმწიფო ვიზიტით დიდ ბრიტანეთს ეწვივნენ.
ვიზიტის ფარგლებში, დონალდ ტრამპი შეხვდება დიდი ბრიტანეთის სამეფო ოჯახსა და პრემიერ-მინისტრ ტერეზა მეის. ბრიტანეთის პრემიერთან შეხვედრისას, სავარაუდოდ, მხარეები ისაუბრებენ კლიმატის ცვლილებებსა და ჩინური ტექნოლოგიური კომპანიის Huawei-სთან დაკავშირებით.
დიდი ბრიტანეთის რამდენიმე ქალაქში დაგეგმილია საპროტესტო აქციები ტრამპის ვიზიტთან დაკავშირებით, მათ შორის, ლონდონში, მანჩესტერში, ბელფასტსა და ბირმინგემში.
აშშ-ის პრეზიდენტის ვიზიტი დიდ ბრიტანეთში 3 დღეს გასტანს.
