ირაკლი რუხაძე დიდი ბრიტანეთის უმაღლესი სასამართლოს კომერციული პალატის 2018 წლის ნოემბრის გადაწყვეტილებით დამნაშავედ ცნეს, -ამის შესახებ ნათქვამია სადეპუტატო შეკითხვაში, რომელიც დეუტატმა, ნაციონალური მოძრაობიდან, მამუკა ჩიქოვანმა საქართველოს ეროვნული ბანკის პრეზიდენტს გაუგზავმა.
ჩიქოვანი აღნიშნავს, რომ საქმე ეხება ფინანსური ინტერესების დაცვის ვალდებულების დარღვევას და ორგანიზებულ შეთქმულებას, ერთ-ერთი კომპანიის წინააღდეგ.
დეპუტატი ითხოვს, ეროვნულმა ბანკმა განმარტოს, საქმეში არსებული ეს გარემოება წარმოადგენს თუ არა “ლიბერთი ბანკის” სამეთვალყურეო საბჭოს თავმჯდომარისთვის უფლებამოსილების შეჩერების საკმარის საფუძველს.
“ირაკლი რუხაძე გამოცხადებული არის არასაიმედო პარტნიორად, დადანაშაულებული არის ორგანიზებულ შეთქმულებაში, დადანაშაულებული არის ფინანსური ინტერესების დაცვის ვალდებულების დარღვევაში. ვითხოვ, კონკრეტულ განმარტებებს გვენეტაძისგან, თუ რატომ არ მოჰყვა ქმედებები და სახეზე გვაქვს დარღვევა თუ არა. სულ მცირე უფლებამოსილების შეწყვეტა უნდა მოეთხოვა ეროვნულ ბანკს“,- აცხადებს ჩიქოვანი.
ირაკლი რუხაძე ლიბერთი ბანკის სამეთვალყურეო საბჭოს თავმჯდომარე 2017 წელს გახდა.