ალუმინის მწარმოებელ რუსული კომპანია ტატპროფში 30 ივნისამდე „ფემინისტური მარათონია“. ქალები, რომლებიც ქვედა ბოლოს (მუხლიდან არაუმეტეს 5 სანტიმეტრის დაშორებით) ჩაიცვამენ, რეგულარული ხელფასის გარდა ბონუსის სახით 100 რუბლს (1,5$)-ს მიიღებენ.

იმისთვის, რომ თანამშრომლებმა ბონუსი მიიღონ, მათ კომპანიის მენეჯმენტს ამ ფაქტის დამადასტურებელი ფოტო უნდა გაუგზავნონ.

სოციალურ მედიაში კომპანია ტატპროფის მიდგომა დაგმეს და სექსისტურად შეაფასეს.

კომპანიაში არ ეთანხმებიან ბრალდებებს და აცხადებენ, რომ 60-მა თანამშრომელმა ქალბატონმა უკვე მიიღო ამ აქციაში მონაწილეობა.

„ჩვენ გვინდოდა სამუშაო დღეების გამრავალფეროვნება. ჩვენი თანამშრომლების 70 პროცენტი მამაკაცია. ამ ტიპის კამპანიები კი გუნდს აახლოებს. უამრავი ქალი იცვამდა შარვალს. ამ კამპანიით ჩვენ ვცდილობთ გავზარდოთ ქალბატონების ცნობიერება და ვაგრძნობინოთ მათ თავი ქალურად და მომხიბვლელად“, - აღნიშნა კომპანია ტატპროფის საზოგადოებასთან ურთიერთობის მენეჯერმა რადიო Govorit Moskva-თან.