რუსეთის მთავრობამ სახელმწიფო და მუნიციპალურ დაწესებულებებს უცხოური წარმოების ღვინის შეძენა აუკრძალა. შესაბამის დადგენილებას ხელი რუსეთის პრემიერ-მინისტრმა დიმიტრი მედვედევმა მოაწერა. დოკუმენტი მინისტრთა კაბინეტის ვებ-გვერდზე დღეს გამოქვეყნდა.
აღნიშნულია, რომ აკრძალვა რუსული მევენახეობისა და მეღვინეობის განვითარებას ემსახურება.
შეზღუდვა შეეხება მხოლოდ სახელმწიფო შესყიდვებს, ის არ გავრცელდება ალკოჰოლზე, რომელიც მაღაზიებსა და საზოგადოებრივი კვების ობიექტებში იყიდება.
