"თითოეული ჩვენგანი, დღეს შეშფოთებით ვადევნებთ მოვლენებს თვალს და იმედი გვაქვს, რომ ვითარება არ გამოვა სტაბილურობის ჩარჩოებიდან,“ - "დემოკრატიული მოძრაობა ერთიანი საქართველოს" ლიდერმა, შუალედურ არჩევნებთან დაკავშირებით საგანგებო განცხადება გააკეთა.
ნინო ბურჯანაძე შეშფოთებას გამოთქვამს საარჩევნო უბნებზე განვითარებულ მოვლენებთან დაკავშირებით, განსაკუთრებით ზუგდიდის რაიონზე.
„მთელი წინასაარჩევნო პერიოდი, იყო ნათელი დასტური იმისა, რომ საქართველოს არ ეღირსა ნორმალური წინასაარჩევნო პერიოდი, ნორმალური საარჩევნო გარემო და არ ეღირსა ის, რომ არჩევნები იყოს რეალური შეჯიბრი და არა სამკვდრო სასიცოცხლო ბრძოლა. ამაზე რა თქმა უნდა, უპირველეს ყოვლისა, ყოველთვის პასუხისმგებლობა ხელისუფლებას ეკისრება. თითოეული ჩვენგანი, დღეს შეშფოთებით ვადევნებთ მოვლენებს თვალს და იმედი გვაქვს, რომ ვითარება არ გამოვა სტაბილურობის ჩარჩოებიდან“, - განაცხადა ნინო ბურჯანაძემ.