მთავარი პრობლემა სტაბილურობისთვის არის ხელისუფლების მცდელობა გავლენა მოახდინოს არჩევნების შედეგზე ზეწოლის, დაშინების, ძალადობის, ცემა-ტყეპის მოსყიდვის შედეგად, აღნიშნული განცხადება "ევროპული საქართველოს" ერთ-ერთმა ლიდერმა დავით ბაქრაძემ საარჩევნო უბანზე ხმის მიცემის შემდეგ გააკეთა. დავით ბაქრაძის განმარტებით, მან დღეს არჩევანი გააკეთა იმ კანდიდატზე, რომელიც მისი შეფასებით სამართლიანობის გარანტი იქნება პარლამენტში.
„ხალხს სჭირდება უკეთესობა, სჭირდება წინსვლა, სჭირდება მოგვარებული პრობლემა. მაგრამ თავისით არაფერი არ კეთდება და არ კეთდება და ცვლილებების გზა გადის არჩევნებზე. ამიტომ მე დღეს მხარი დავუჭირე ცვლილებებს, მე მხარი დავუჭირე ადამიანს, რომლისაც მჯერა რომ ის იქნება კანონის, სამართლის და წესიერების გარანტი საქართველოს პარლამენტში. მთავარი პრობლემა სტაბილურობისთვის არის ხელისუფლების მცდელობა გავლენა მოახდინოს არჩევნების შედეგზე ზეწოლის, დაშინების, ძალადობის, ცემა-ტყეპის მოსყიდვის შედეგად. ამიტომ ხელისუფლებამ და ყველამ ჩვენ მასთან ერთად, უნდა კარგად გავაცნობიეროთ, რომ ქვეყანაში სტაბილურობის საფუძველია თავისუფალი არჩევნები,“-განაცხადა დავით ბაქრაძემ.