დამოუკიდებელი იურისტების ჯგუფი მოუწოდებს საქართველოს პარლამენტს არ მიიღოს უზენაესი სასამართლოს მოსამართლეთა შერჩევის კანონპროექტი, რომელიც არ ითვალისწინებს საერთაშორისო საზოგადოების და სამოქალაქო სექტორის უმთავრეს რეკომენდაციებს და იუსტიციის უმაღლეს საბჭოს აძლევს თავისუფლებას ფარული კენჭისყრით, დასაბუთების გარეშე, საკუთარი შეხედულებით დააკომპლექტოს უზენაესი სასამართლო. ამავდროულად, ჯგუფი მოუწოდებს პარლამენტს მიიღოს რეზოლუცია რომლითაც შეფასდება კლანური მმართველობა სასამართლოში და დაიწყოს მუშაობა საკანონმდებლო მექანიზმებზე სასამართლოს მართვიდან კლანის ჩამოცილების მიზნით.
ამ მოთხოვნით 25 აპრილს 13 საათზე გაიმართება საპროტესტო აქცია საქართველოს პარლამენტის უკანა შესასვლელთან. ჯგუფი მოუწოდებს ყველას ვისაც მართლმსაჯულების ბედი აწუხებს შემოუერთდეს აქციას.
სასამართლოში კლანური მმართველობის უვადო დაკანონება საფრთხეს უქმნის თითოეული მოქალაქის უფლებას დამოუკიდებელ და სამართლიან სასამართლოზე, ქვეყნის მშვიდობიან და დემოკრატიულ განვითარებას და აზრს უკარგავს იურისტების პროფესიას.
ჯგუფის განცხადებას ხელს აწერენ:
კახა წიქარიშვილი, კახა კოჟორიძე, ანა ნაცვლიშვილი, მაია ბაქრაძე, ბესიკ სისვაძე, ლია მუხაშავრია, უჩა ნანუაშვილი, თამარ ლალიაშვილი, ზაზა ხატიაშვილი, ირაკლი კორძახია, დიმიტრი ხაჩიძე, ხათუნა გრიგალაშვილი, ირაკლი გაბრიჩიძე, დავით მჟავანაძე, სანდრო ზამბახიძე, დავით ჯანდიერი.
