საშინელმა ხანძარმა, რომელიც ჯერ კიდევ მძვინვარებს პარიზის ღვთისმშბლის ტაძარში, შესაძლოა სრულებით გაანადგუროს ეს ლეგენდარული ნაგებობა, გოთური არქიტექტურის ბრწყინვალე 850-წლოვანი ნიმუში. ამის შესახებ Associated Press-ი წერს საფრანგეთს შინაგან საქმეთა სამინისტროზე დაყრდნობით.
„ყველაფერი ცეცხლის ალშია გახვეული, აღარაფერია დარჩენილი ხის კონსტრუქციებისთან“, - განაცხადა მედიასთან საუბრისას ტაძრის წარმომადგენელმა. მე-12 საუკუნის ნაგებობას ხის სახურავი ჰქონდა, რომელიც ხანძრის გაჩენიდან ცოტა ხანში მთლიანად ჩამოიშალა.
ცეცხლის გაჩენის მიზეზები ამ დრომდე გაურკვევლია. ვარაუდობენ, რომ ეს შესაძლოა სარემონტო სამუშაოებს უკავშირდებოდეს, რომელიც ტაძარში მიმდინარეობდა.
ამ მომენტში ხანძრის ჩასაქობად 400-მდე მეხანძრე-მაშველი იბრძვის. როგორც შს სამინისტრო აცხადებს, ხანძრის ჩასაქრობად იყენებენ ყველა საშველებას, გარდა ვერტმფრენებისა, რადგან წყლის მასამ, რომელიც იღვრება მეხანძრე-ვერტმფრენებიდან (დაახლოებით 6 ტონა ერთდროულად), შესაძლოა მთლიანად ჩამოშალოს ნაგებობა.
შეგახსენებთ, რომ გუშინ, 15 აპრილს, საღამოს პარიზის ღვთისმშობლის ტაძარს ცეცხლი წაეკიდა. ხანძრის შედეგად ჩამოიშალა ტაძრის სამრეკლო და ჭერი. ხანძრის გამომწვევი მიზეზები ჯერჯერობით უცნობია, თუმცა მეხანძრე-მაშველების თქმით, შესაძლოა ეს დაკავშირებული იყოს სარემონტო სამუშაოებთან.