ჩრდილოეთ კორეამ, ურთიერთობის დათბობის მიზნით, 2018 წელს დაწყებული კესონის ურთიერთანამშრომლობის ფორმატი გააუქმა.
სამხრეთ კორეული მედიის ინფორმაციით, ჩრდილოეთ კორეამ, პარასკევს, კესონში გახსნილი ოფისიდან თანამშრომლები სასწრაფო წესით გაიწვია. ჩრდილოეთ კორეის გადაწყვეტილება, რომ შეეწყვიტა ურთიერთთანამშრომლობის ფორმატი სამხრეთელ მეზობელთან, ჰანოიში ჩავარდნილი სამიტი გახდა.
2018 წელს, სამხრეთ კორეაში, ქალაქ კესონში, სასაზღვრო ზოლთან გაიხნა ურთიერთთანამშრომლობის ოფისი, რომელიც ორ დაპირისპირებულ მხარეს შორის ურთიერთობების დათბობას ემსახურებოდა. ამ ოფისში ორივე მხარის 20-20 წარმომადგენელი მუშაობდა. კესონში, მხარეებს შორის დიალოგი, კორეის ომის შემდეგ პირველი შემთხვევაა.
ვიეტნამის დედაქალაქ ჰანოიში, დონალდ ტრამპსა და ჩრდილოეთ კორეის ლიდერს, კიმ ჩენ ინს შორის შეხვედრა შეთანხმების გარეშე დასრულდა.
სამიტის დაწყებამდე იყო გარკვეული მოლოდინები იმის შესახებ, რომ მხარეები მიაღწევდნენ შეთანხმებას და ჩრდილოეთ კორეა დათანმხდებოდა ქვეყნის დენუკლეარიზაციას.
დონალდ ტრამპმა სამიტის პირველი დღის დასრულების შემდეგ, დიდი კმაყოფილებაც კი გამოთქვა შეხვედრით და მას დიდებული უწოდა.
დონალდ ტრამპისა და კიმ ჩენ ინის პირველი შეხვედრა 2018 წლის ივნისში სინგაპურში შედგა, სადაც მხარეები შეთანხმდნენ, რომ ჩრდილოეთ კორეა ბირთვული იარაღისგან გათავისუფლდება.