ტყიბულში, საქართველოს რკინიგზის წევის ქვესადგურში კაპიტალური სარემონტო სამუშაოები მიმდინარეობს. ამ ეტაპზე მოპირკეთდა ქვესადგურის შენობის როგორც შიდა, ასევე გარე პერიმეტრი. ტერიტორიაზე განახლდა და გადაიხურა საკაბელო არხები. ქვესადგურის მორიგე პერსონალისათვის მოეწყო სამორიგეო და სანიტარულ – ჰიგიენური ოთახები.
სამუშაოების დასრულების შემდეგ, ელექტრომამორაგების დეპარტამენტი გეგმავს ახალი, თანამედროვე ენერგოეფექტური დანადგარების მონტაჟს, რაც მნიშვნელოვნად შეამცირებს საექსპლუატაციო და ელექტროენერგიის ხარჯებს.
