განათლების, მეცნიერების, კულტურისა და სპორტის მინისტრის მოადგილე მიხეილ გიორგაძე ცოტა ხნის წინ ავარიაში მოყვა. ის მრავლობითი მოტეხილობით ინგოროყვას სახელობის კლინიკაშია მოთავსებული. ინფორმაციას „იმედინიუსი“ ავრცელებს.
არსებული ინფორმაციით, გიორგაძეს 12 ნეკნი აქვს მოტეხილი. ავტოსაგზაო შემთხვევა ყვარელში მოხდა. საჭესთან მიხეილ გიორგაძე იჯდა, რომელიც ხეს შეეჯახა. ავტომანქანაში სხვა არავინ ყოფილა.
შსს-ის ინფორმაციით, აღნიშნულთან დაკავშირებით გამოძიება დაწყებულია.