ბათუმის ბულვარში ინფრასტრუქტურული სამუშაოების პარალელურად დაიწყო ზამთრის პერიოდისათვის სამზადისი. ბულვარის აგრონომებისა და მებაღეების ერთობლივი ძალისხმევით, სანაპირო ზოლის მთლიან პერიმეტრზე პალმების აკვრა-შეფუთვა და ახალგაზრდა ხე-მცენარეების ბამბუკის ჭიგოებზე გამაგრების სამუშაოები სრულდება.
ყინვისადმი მაღალი მგრძნობელობის მქონე მცენარეები, კი შეიფუთება სპეციალური მასალით (ე. წ. ბიაზით).
ზღვისპირა პარკში, ჯამში, 20 ათასზე მეტი ხე-მცენარე, 5 ათასი ძირი ფინიკისა და ქოქოსის ჯიშის პალმები შეიფუთება.
აღნიშნული სამუშაოების პარალელურად, სხვადასხვა ლოკაციებზე სრულდება მწვანე ნარგავების მოვლითი, გაცელვისა და დასუფთავების სამუშაოები
