ბათუმის ბულვარში, ღია ცის ქვეშ შშმ პირთათვის ადაპტირებული ინფრასტრუქტურის მოწყობის კონცეფციის საჯარო პრეზენტაცია გაიმართა, რომელიც მოიცავდა დეტალურ ინფორმაციას, 2019 წელს განსახორციელებელი ადაპტირებული ინფრასტრუქტურული პროეტების შესახებ.
ღონისძიებას ესწრებოდნენ აჭარის მთავრობის, ადგილობრივი საზოგადოებრივი ორგანიზაციების, ყრუთა კავშირის, ორგანიზაცია, „კოალიცია დამოუკიდებელი ცხოვრებისათვის“ წარმომადგენლები და შშმ პირები. ღონისძიებაზე მოწვეულ სტუმრებს მიეწოდათ სრული ინფორმაცია ბულვარის სამომავლო ადაპტირებასთან დაკავშირებით.
2019 წლიდან, ბულვარის ადმინისტრაცია სანაპირო ზოლზე პლაჟზე გადასასვლელების, საშხაპეებისა და გამოსაცვლელების მოწყობას გეგმავს. ასევე, დაგეგმილია ადაპტირებული საპირფარეშოებისა და საბავშვო ატრაქციონების მოწყობა.
მომავალი წლისათვის, ეტლით მოსარგებლე პირებისათვის ზღვაში შესასვლელი პანდუსი დამონტაჟდება, სადაც შშმ პირებს ზღვაში შესვლა დამოუკიდებლად შეეძლებათ.
შეხვედრის ფარგლებში, მოხდა პროექტების ესკიზური ვარიანტების წარმოდგენა და განხილვა. შეხვედრის მიზანს წარმოადგენდა ინკლუზიური ტურიზმის ხელშეწყობა და შშმ პირთა ჩართვა მშენებლობისა და პროექტირების პროცესში. პრეზენტაციის დასასრულს, გაიმართა ფილმის ჩვენება ( ჩემი მარცხენა ფეხი/My Left Foot 1990წ)
ღონისძიება სსიპ „ბათუმის ბულვარი“-ს ორგანიზებით გაიმართა.