ფაქტია, რომ შსს-მ იმუშავა ძალიან ინტენსიურად იმისათვის, რათა შეეგროვებინა ყველა მტკიცებულება, რაც აუცილებელია არასრულწლოვანისთვის ბრალის წასაყენებლად, - ამის შესახებ საპარლამენტო უმრავლეობის წევრმა ანრი ოხანაშვილმა ხორავას ქუჩაზე მოზარდების მკვლელობის საქმეზე საუბრისას განაცხადა.
"არასრულწლოვანთა მართლმსაჯულების კოდექსი მოითხოვს უფრო მაღალ სტადარტს, შესაბამისად, ის რომ, ეს ბრალი წაეყენოს, უნდა არსებობდეს მტკიცებულებათა ერთობლიობა და ამას სჭირდებოდა ინტენსიური მუშაობა. ცრუ ჩვენების დადგენა არ არის მარტივი საკითხი, ამ ყველაფერს სჭირდება შეჯერებულ მტკიცებულებათა ერთობლიობა, რაც ფაქტია, რომ არსებობს ამ საქმეში. მე დეტალებს არ ვიცნობ, კონკრეტულად, რომელ ჩვენებებზეა საუბარი, თუმცა, როდესაც ხდება პირისთვის ბრალის წაყენება, ამისთვის საჭიროა შეჯერებული მტკიცებულებები", - განაცხადა ანრი ოხანაშვილმა.