გერმანიის საგარეო საქმეთა მინისტრმა ჰაიკო მაასმა განაცხადა, რომ ევროპა ვეღარ შეძლებს მთლიანად თეთრ სახლზე დაყრდნობას და უნდა დაამყაროს აშშ-სთან ურთიერთობების ახალი გზა.
მანამდე, აშშ-ის პრეზიდენტმა დონალდ ტრამპმა CBS- თან ინტერვიუში განაცხადა, რომ ის ევროკავშირს "კონკურენტად“ მიიჩნევს, რაც სავაჭრო ურთიერთობებს ეფუძნება.
"ჩვენ ვეღარ შევძლებთ შეუზღუდავად ვენდოთ თეთრ სახლს“ - განაცხადა მაასმა გაზეთ Westdeutsche Allgemeine Zeitung-სთან ინტერვიუში.
მისი თქმით, აშშ-სთან პარტნიორული ურთიერთობების შესანარჩუნებლად, ევროპამ უნდა მოძებნოს ახალი გზა. ეს შესაძლებელია მხოლოდ "თვითდაჯერებული და დამოუკიდებელი ევროპის პირობებში", ხაზი გაუსვა მინისტრმა და დასძინა, რომ ევროპის ქვეყნები უნდა გაძლიერდნენ, როგორი მკაცრიც არ უნდა იყოს ვერბალური შემოტევები და რაოდენ აბსურდულიც არ უნდა იყოს Twitter- ზე აშშ-ის პრეზიდენტის განცხადებები.
მაასმა აღნიშნა, რომ ამერიკის პრეზიდენტის განცხადებები კიდევ ერთხელ აჩვენებს, რომ "პოლიტიკური ატლანტიკა გაფართოვდა" მას შემდეგ რაც ტრამპმა დაიკავა ქვეყნის ხელმძღვანელის ადგილი.